Serdar Berdimuhamedow

Serdar Gurbangulyýewiç Berdimuhamedow
Serdar Berdimuhamedow (2018)
Daşary işler ministriniň orunbasary wezipede Wagt aralygy 2 Aprel 2018 - 2 Ýanwar 2019 Prezident Gurbanguly Berdimuhamedow Ministr Raşit Meredow Ahal welaýatyň adyndan Türkmenistanyň mejlisiniň agzasy wezipede Wagt aralygy 23 Noýabr 2016 Ahal welaýatynyň häkiminiň orunbasary wezipede Wagt aralygy 2 Ýanwar 2019
Şahsy maglumatlar
Doglan wagty	Sentýabr 22, 1981 Aşgabat, TSSR, SSSR
Milleti	Türkmen
Çaga(lary)	4
Kakasy	Gurbanguly Berdimuhamedow
Alma mater	S.A.Nyýazow adyndaky Türkmen Oba Hojalyk Uniwersiteti Russiýa Federasiýasynyň Daşary işler ministrliginiň Diplomatik akademiýasy
Käri	Syýasatçy
Harby hyzmatlary
Dostlyk	Turkmenistan
Hyzmat/ugur	Türkmenistanyň Ýaragly Güýçleri
Hyzmat eden ýyllary	2001-2003
Dereje	Leýtenant polkownik

Serdar Gurbangulyýewiç Berdimuhamedow Türkmen syýasatçysy we Turkmenistanyň Prezidenti.

Gurbanguly Berdimuhamedowyň ogly. 1981-nji ýylyň 22-nji sentýabrynda Aşgabat şäherinde doguldy.

2022-nji ýylyň 19-njy martyndan bäri Türkmenistanyň Prezidenti.

Bilimi we hünäri

Ýokary bilimli 2001-nji ýylda Türkmen oba hojalyk uniwersitetini tamamlady. Hünäri boyunça inžener-tehnolog. 2008-2011-nji ýyllarda Russiýa Federasiýasynyň Daşary işler ministrliginiň Diplomatik akademiýasynda okady we ony halkara gatnaşyklar boýunça hünärmen hünäri boýunça tamamlady. 2011-2013-nji ýyllarda Ženewadaky Howpsuzlyk syýasaty merkezinde okap, ony halkara we Ýewropa howpsuzlygy boýunça hünärmen hünäri boýunça tamamlady. Tehniki ylymlarynyň kandidaty (awgust 2014 ýyl).

Zähmet ýoly

2001-nji ýylyň iýul-noýabr aýlarynda Türkmenistanyň Azyk senagaty döwlet birleşiginiň Daşary ykdysady aragatnaşyklar müdirliginiň baş hünärmeni bolup işledi.
2001-2003-nji ýyllarda harby gullukda boldy.
2003-2008-nji ýyllarda Türkmenistanyň Azyk senagaty döwlet birleşiginiň miwe-gök ekin senagaty boýunça esasy bölüminiň baş hünärmeni, alkogolsyz piwo we çakyrçylyk senagaty boýunça esasy bölüminiň baş hünärmeni bolup işledi.
2008-2011-nji ýyllarda Russiýa Federasiýasynyň Daşary işler ministrliginiň Diplomatik akademiýasynda okady we ony halkara gatnaşyklar boýunça hünärmen hünäri boýunça tamamlady. Şol ýyllarda Türkmenistanyň Russiýa Federasiýasyndaky (Moskwa şäheri) ilçihanasynyň geňeşçisi wezipesinde işledi.
2011-2013-nji ýyllarda Ženewadaky Howpsuzlyk syýasaty merkezinde okap, ony halkara we ýewropa howpsuzlygy boýunça hünärmen hünäri boýunça tamamlady. Şol yyllarda Birleşen Milletler Guramasynyň Ženewadaky edarasynyň ýanyndaky (Şweýsariýa Konfederasiýasy, Ženewa şäheri) Türkmenistanyň Hemişelik wekilhanasynyň geňeşçisi wezipesinde işledi.
2013-nji ýylyň awgust-dekabr aýlarynda Türkmenistanyň Daşary işler ministrliginiň Ýewropa ýurtlary bölüminiň başlygy wezipesinde işledi.
2013-2016-njy ýyllarda Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky döwlet agentliginiň direktorynyň orunbasary;
2016-2017-nji ýyllarda Türkmenistanyň Daşary işler ministrliginiň Halkara habarlar departamentiniň başlygy wezipesinde işledi.
2017-nji ýylyň mart aýynyň 20-de Türkmenistanyň Mejlisiniň Kada-kanunçylyk baradaky komitetinin başlygy wezipesinde işleýär. Türkmenistanyň Mejlisiniň V çagyrylyşynyň deputaty.
2018-nji ýylyň 30-njy martynda Türkmenistanyň Daşary Işler ministriniň orunbasary wezipesine bellendi.
2019-njy ýylyň 2-nji ýanwaryndan başlap Ahal welaýatynyň häkiminiň orunbasary wezipesini ýerine ýetirýär.

2022-nji ýylyň 12-nji martynda Türkmenistanyň Prezidentiniň saýlawlary geçirildi. Ýurt boýunça hasaba alnan 3.460.080 saýlawçydan 3.362.052-si ses berip, 97,17% gatnaşyk boldy. Demokratik şertlerde geçirilen saýlawlarda dalaşgärleriň jemi 9-sy bäsleşdi.

Döwlet sylaglary we atlary

• «Magtymguly Pyragy» medaly
  
• «Mälikguly Berdimuhamedow» medaly
  
• «Türkmenistanyň at gazanan tälimçisi» döwlet sylagy
  

Edebiýat

• "Türkmenistan" gazeti, №60 (28996) 2018-nji ýylyň mart aýynyň 9-y, S.3.