Myradow Goçmyrat Aşyrmuhammedowiç
| Myradow Goçmyrat Aşyrmuhammedowiç | |
| Doglan wagty we ýeri | 1973 Aşgabat şäheri, Ruhabat etraby, Gypjak ýaşaýyş toplumy |
|---|---|
| Käri | Türkmenistanyň Ministrler Kabinetiniň Başlygynyň orunbasary |
| Milleti | Türkmen |
Myradow Goçmyrat Aşyrmuhammedowiç - Türkmenistanyň döwlet işgäri.
Doglan senesi we ýeri
[düzet | çeşmäni düzet]1973-nji ýylda Aşgabat şäheriniň Ruhabat etrabynyň Gypjak ýaşaýyş toplumynda doguldy. Milleti turkmen.
Bilimi we hünäri
[düzet | çeşmäni düzet]Ýokary bilimli. 1995-nji ýylda Türkmen döwlet ykdysadyýet we dolandyryş institutyny tamamlady. Hünäri boyunça ykdysatçy.
Zähmet ýoly
[düzet | çeşmäni düzet]Zähmet ýoluna 1995-nji ýylda Türkmen döwlet ykdysadyýet we dolandyryş institutynyň pul dolanyşygy we karz kafedrasynyň mugallymy bolup başlady. 1996-2003-nji ýyllarda «Türkmenbaşy» döwlet täjirçilik bankynyň Abadan şäher şahamçasynyň hünärmeni, baş buhgalteriň orunbasary, baş buhgalteri wezipelerinde işledi. 2003-nji ýylda Türkmenistanyň Merkezi bankynyň buhgalter hasaby we hasabatlar müdirliginiň iş usulyny öwrediş bölüminiň başlygy, baş buhgalteriň amallar boýunça orunbasary boldy. 2003-nji ýylyň sentýabr aýyndan 2006-njy ýyla çenli Türkmenistanyň Merkezi bankynyň müdiriýetiniň başlygynyň orunbasary-amallar müdirliginiň başlygy wezipelerinde işledi. 2006-njy ýylyň maýyndan 2012-nji ýylyň mart aýyna çenli Türkmenistanyň Merkezi bankynyň müdiriýyetiniň başlygynyň birinji orunbasary bolup işledi. 2012-2014-nji ýyllarda «Türkmenistan» döwlet tajirçilik bankynyň müdiriýetiniň başlygy wezipesinde işledi. 2014-nji ýylyň ýanwar aýyndan 2015-nji ýyla çenii Türkmenistanyň Merkezi bankynyň müdiriýetiniň başlygy boldy. 2015-2017-nji ýyllarda Maliýe ministrliginiň senagatyň, ulaglaryň we aragatnaşygyň maliýesi müdirliginiň başlygy bolup işledi. 2017-nji ýylyň iýun aýyndan iýul aýyna çenli maliýe ministriniň orunbasary wezipesinde işledi. 07.2017-05.10.2017-nji ýyllarda Türkmenistanyň maliýe ministri wezipesinde işledi. 05.10.2017-nji ýylda Türkmenistanyň Ministrler Kabinetiniň Başlygynyň orunbasary wezipesine bellendi.
Döwlet sylaglary we atlary
[düzet | çeşmäni düzet]- «Magtymguly Pyragy» medaly bilen sylaglandy.
Çeşmeler
[düzet | çeşmäni düzet]- Prezidenti wezipelere bellemek hakyndaky resminamalara gol çekdi[permanent dead link] //www.turkmenistan.gov.tm
Edebiýat
[düzet | çeşmäni düzet]- "Türkmenistan" gazeti, №271 (28855) 2017-nji ýylyň oktýabr aýynyň 6-sy, S.1.