Ýiti burunly temenlik

Wikipediýa, erkin ensiklopediýa

Ýiti burunly temenlik (Erodium oxyrrhynchum)- geranlar maşgalasyndan boýy 10-40 sm-e ýetýän birýyllyk otjumak ösümlik. Ol çägeli we toýunly çöllerde bitýär. Ösümlik aprel-maýda gülleýär, maý-iýunda miweleýär. Ösümlik Garagumuň ähli ýerinde duşýar. Ýiti burunly temenligiň dermanlyk maksatlary üçin gory ýeterlik.Bitýän ýerlerinde bol duşýar, gür otluklary emele getirýär.

 Halk lukmançylygynda ösümligiň otundan taýýarlanylýan pet we jöwher içki gan gitmelerde, damar çekmede, sowuklama kesellerinde, pnewmoniýada, plewritde peýdalanylýar. Mundan başga-da, diatezde, deri örgünlerini ýuwmakda; ýapraklaryny gomestatik serişde (toz) hökmünde, çykuwlarda (guýruk we örküç ýagynyň melhemi) ulanylýar. Ylmy lukmançylykda temenligiň ýerüsti böleginden taýýarlanylýan şerbetiň nerw ulgamyny rahatlandyryjy täsirleri ýüze çykaryldy.