Stiw Jobs

Wikipediýa, erkin ensiklopediýa
Jump to navigation Jump to search
Stiw Jobs

Stiw Job­s (Steve Jobs)

Ägirt uly işi amala aşyrmak üçin, di­ňe ýe­ke-täk ýol bar - ony söý­me­li. Eger siz ony ba­şar­ma­sa­ňyz, ga­ra­şyň. Köp­ler­de bol­şy ýa­ly, ha­ýyr­ly işi ber­jaý et­mä­ge öz kal­by­ňyz ýol gör­ke­zer.” (Stiw Jobs)

Stiw Jobs “App­le”, “Pixar” we “Next” ýa­ly dün­ýä bel­li şe­re­ket­le­riň esas­lan­dy­ry­jy­sy bo­lup, yn­sa­ny­ýe­tiň ta­ry­hyn­da “özü­ni özi dö­re­den” şah­sy­ýet­le­riň bi­ri hök­mün­de giňden tanalýar. Ol dün­ýä­de komp­ýu­ter we mag­lu­mat teh­no­lo­gi­ýa­sy se­na­ga­ty­nyň ös­me­gin­de ba­ha­sy­na ýe­tip bol­ma­jak go­şant go­şup, onuň mun­dan bu­ýan­ky kä­mil­leş­me­gin­de ägirt uly iş­le­ri bi­tir­di.

Stiw Jobs ady bi­len has meş­hur bo­lan bu ame­ri­kan oý­lap ta­py­jy­sy, biz­nes­me­ni we iş­läp dü­zü­ji­si öz dö­wür­deş­le­ri­ni in­no­wa­si­ýa en­jam­la­ry we kuw­wat­ly ýo­ka­ry teh­no­lo­gik ab­zal­lar bi­len üp­jün edip, hal­ka­ra jem­gy­ýe­ti­niň dur­mu­şy­na köp go­şant goş­dy.

Ge­le­jek­ki mil­li­ar­dyň eýe­si 1955-nji ýy­lyň 24-nji few­ra­lyn­da San-Fran­sis­ko­da dün­ýä inip­dir, ýö­ne eme­le ge­len ýag­da­ýa gö­rä, onuň ter­bi­ýe­si bi­len Ka­li­for­ni­ýa şta­ty­nyň şä­her­çe­si Ma­un­tin-Wýu­ly öweý ene-ata­sy meş­gul­la­nyp­dyr. Onuň do­ly ady Sti­wen Pol Jobs­dyr.

Tüt­ja­ryň ýa­kyn dost­la­ry we kä­bir ta­ryh­çy­lar onuň ogul­lyk alyn­ma­gy onuň hä­si­ýe­ti­ne er­bet tä­sir eden­di­gi­ni bel­le­ýär­ler. Stiw mek­dep­de oka­ýar­ka, elekt­ro­ni­ka bi­len gy­zyk­la­nyp baş­lap­dyr we ol ýer­de ge­lip çy­ky­şy uk­rai­na­ly Wozn­ýak fa­mi­li­ýa­ly at­da­şy­na du­şup, onuň bi­len dost­laş­ýar we komp­ýu­ter teh­no­lo­gi­ýa­sy bi­len bag­ly söw­da-sa­tyk ba­ra­da pi­kir alyş­ýar. Ola­ryň dö­re­den en­ja­my, şä­he­ra­ra te­le­fon ul­ga­myn­dan jaň et­mä­ge müm­kin­çi­lik be­rip, “Blue Boks” at­lan­dy­ry­lyp­dyr.

Şon­da Jobs ýa­ňy 13 ýa­şyn­da eken we der­rew bu en­ja­mlary sa­typ­dyr. Abzalyň örän gym­mat­dy­gy­na ga­ra­maz­dan ha­ryt go­wy ge­çip­dir we ýaş biz­nes­men­ler­de bol­sa, il­kin­ji ga­za­ny­lan pul­lar bo­lup­dyr.

Em­ma Stiw Job­syň durmuşy di­ňe ýa­kym­ly wa­ka­lar­dan do­ly bol­man­dyr. Ol 1972-nji ýyl­da Ri­da kol­le­ji­ne (Ore­gon şta­ty) gi­rip­dir we bel­li-bel­li se­bäp­le­re gö­rä, ony taş­la­ma­ly bo­lup­dyr. Ol ýyl ýa­rym­lap ujyp­syz pu­la ýa­şap, bel­li bir me­kan­syz on­dan – oňa aý­la­nyp ýö­rüp­dir. Stiw “Coca-Cola” çüý­şe­le­ri­ni sa­typ, ga­za­nan pu­lu­na gü­ze­ran gör­me­li bo­lup­dyr, ol ýerde ýa­typ­dyr we ýer­li but­ha­na­la­ryň bi­rin­den gü­nor­tan­lyk na­ha­ry­ny edi­nip­dir.

Ýö­ne wag­tyň geç­me­gi bi­len äh­li zat dü­ze­lip­dur we Jobs komp­ýu­ter oýun­la­ry­nyň önüm­çi­li­gi bi­len meş­gul­lan­ýan “Ata­ri” at­ly bel­li ame­ri­kan şe­re­ke­ti­ne işe du­rup­dyr.

Sti­we­niň bor­ju­na ola­ry iş­läp düz­mek we kä­mil­leş­dir­mek gi­rip­dir. Bir­nä­çe ýyl­dan soň­ra onuň bir­wagt­ky dos­ty Stiw Wozn­ýak öz dö­re­den komp­ýu­te­ri­niň il­kin­ji mo­de­li­ni dö­red­ýär, Jobs bol­sa, ozal­ky­la­ry ýa­ly onuň kom­mer­si­ýa ta­ra­py­ny öz üs­tü­ne al­ýar we ha­ryt­la­ry ýer­leş­dir­me­gi ýo­la goý­ýar.

Bu dö­re­di­ji­lik due­ti­niň ta­gal­la­la­ry ne­ti­je­sin­de, per­so­nal komp­ýuter­le­ri ön­dür­me­giň se­na­ga­tyn­da meş­hur komp­ýu­ter şe­re­ke­ti eme­le ge­lýär.

Şu gün dün­ýä­de “App­le”-niň önüm­le­ri ba­ra­da eşit­me­dik ýok bol­sa ge­rek. Hä­zir­ki za­man plan­şet kompý­uter­le­ri, por­ta­tiw te­le­fon­lar, mul­ti­me­di­ýa ple­ýer­le­ri, prog­ram­ma bi­len üp­jün edi­ji­ler we smart­fon­lar – sa­na­wy ýe­ne-de uzalt­mak müm­kin. Ýö­ne mu­ňa ga­ra­maz­dan, Stiw Job­suň işi beý­le­ki meş­hur şe­re­ket­ler bi­len bag­ly bo­lup, dö­wür­deş­le­ri oza­ly bi­len ony “App­le”-niň sa­ýa­syn­da ýat­la­ýar­lar.

Sti­we­niň dur­mu­şy 2011-nji ýy­lyň bä­şin­ji okt­ýab­ryn­da pa­ýaw­la­ýar – ol 8 ýyl­lap do­wam eden, uza­ga çe­ken ýarawsyzlykdan (aş­ga­za­nas­ty mäz­le­rin­de dö­rän düw­nik) soň ara­dan çyk­ýar. Em­ma Stiw Job­suň yk­ba­ly ol dün­ýä­den gaý­dan­dan soň hem adam­la­ry gy­zyk­lan­dyr­ýar, komp­ýu­te­riň uçur­syz ge­ni­si­niň şah­sy­ýe­ti onuň şah­sy dur­mu­şy­nyň çyl­şy­rym­ly­dy­gy­na ga­ra­maz­dan, köp ne­sil­le­riň aňyn­da ga­lar.