Gurbanmuhammed Kasymow

Kurbanmuhammed Gadjarowiç Kasymow — türkmen aklawçysy, döwlet işgäri we diplomat.

Terjimehaly

1954 ýylyň 30 iýulynda Aşgabat welaýatynyň Aşgabat etrabynyň Gökçe obasynda doguldy.

Ýokary bilimli. 1976 ýylda Gorkiý adyndaky Türkmen döwlet uniwersitetini hukuk fakulteti bilen tamamlady.

Ol öz karýerasyna 1976 ýylda “Türkmenpotrebsoýuz”-nyň “Türkmenkoopstroý” trestinde aklawçy, stažýor kömekçisi, soňra bolsa Aşgabad ulag prokuraturasynyň prokurorynyň orunbasary bolup başlady. Soňra Aşgabad şäheriniň prokurorynyň orunbasary we birinji orunbasary, Türkmenistan SSR-niň prokurorynyň orunbasary, etrap müdiri we Türkmenistan Kommunistik partiýasynyň Merkezi Komitetiniň Hukuk komissiýasynyň başlygynyň orunbasary wezipelerinde işledi. 1990 ýyldan Aşgabad şäheriniň prokurory, 1991 ýyldan bolsa Türkmenistan SSR-niň prokurory wezipelerinde işledi.

1993 ýylyň 7 ýanwary – 1993 ýylyň 2 apreli — Türkmenistanyň Ministrler Kabinetiniň başlygynyň orunbasary.

1993 ýylyň 2 apreli – 1998 ýylyň 17 sentýabry — Türkmenistanyň Içeri işler ministri.

1998 ýylyň 17 sentýabry – 1999 ýylyň 24 maýy — Türkmenistanyň Goranmak ministri.

1999 ýylyň 24 maýy – 2001 ýylyň 30 oktýabry — Türkmenistanyň Adalat ministri.

2001 ýylyň 30 oktýabry – 2008 ýylyň 20 marty — Türkmenistanyň Hytaýdaky Adatdan daşary we Ygtyýarly ilçisi.

2008 ýylyň 20 marty – 2009 ýylyň 29 maýy — Türkmenistanyň Gazagystandaky Adatdan daşary we Ygtyýarly ilçisi.

2009 ýylyň 29 maýy — Saglyk ýagdaýy sebäpli wezipesinden boşadyldy.

Ol 2021 ýylyň 2 sentýabrynda aradan çykdy .