Magtymguly: Wersiýalaryň arasyndaky tapawut

Wikipediýa, erkin ensiklopediýa
Content deleted Content added
uj r2.5.2) (robot üýtgetdi: az:Məhdumqulu
Setir 309: Setir 309:
Magtymguly hakda gürrüňdeşlik:
Magtymguly hakda gürrüňdeşlik:


http://e-mekdep.com/magtymgulynyn-omri-doredijiligi </br>
* http://www.tmolympiad.org/index.php?q=node/436#comment-3224</br>Magtymguly hakda</br>http://www.magtymguly.com/</br>Magtymguly hakda we beyleki sahyrlar hakda</br>http://www.magtymguly.org/
* http://www.tmolympiad.org/index.php?q=node/436#comment-3224</br>Magtymguly hakda</br>http://www.magtymguly.com/</br>Magtymguly hakda we beyleki sahyrlar hakda</br>http://www.magtymguly.org/



13:42, 25 sentýabr 2011 senesindäki wersiýa

Magtymguly Pyragy. Kanonik şekili.

Magtymguly (1733-1813), XVIII asyrda yaşan, türkmen klassyky edebiyatynyn kamillesmegine oran uly gosant gosan, turkmen edebi dilini osdurmekde uly isler bitiren şahyrdyr.

Umumy Maglumat

Ol oz halkynyn azatlygyny we özbaşdaklygyny arzuw eden, halk arasynda beýik söýgä mynasyp bolan nusgawy şahyrdyr. Magtymguly özüniň dürdäne döredijiligi bilen adamkärçiligiň iň gowy suratlarynyň wasp edip, ulumsylyk edyanleri, tekepbirleri, şöhratparazlary, harsydunyarleri rehimsiz pas eden sahyrdyr. Magtymguly edebiyaty halk kopculigine has yakynlasdyryar. Ol edebiyatyn dili, tematikasy jahitden goniden-goni halkyn jummusine aralasyar, onun zeruriyetliklerinden ugur alyar.

Magtymgulynyn ömri-döredijiligi

Faýl:Magtymguly heykeli std.jpg
Magtymguly Pyragy ýadygärligi. Aşgabat.

Turkmen halkynyň beýik şahyr ogly Magtymguly Pyragy gökleň türkmenlerindendir. Ol takmynan, 1733-nji ýylda Gürgen derýasynyň boýunda, Hajygowşan diyen yerde eneden dogulyar. Ol omrunin kopisini Etrek, Gürgen, Garrygala sebitlerinde geciripdir. Sahyr "Alem belgilidir" diyen sygrynda Yaz geler, wagt-da gidre, gaflata cykmys gozlerim. Acayyn diysem acylmaz, ne agyr uykulydyr; Bilmeyin soranlara aydyn, bu garyb adymyz: Asly-gerkez, yurdy-Etrek, ady-Magtymgulydyr diyip, oz adyny we niredendigini, kimlerdendigini aydyar.

Magtymguly Pyragy baslangyc terbiyani kakasy Döwletmämmet Azadydan alyar. Ol bu barada: "Ylym owreden ussat-kyblam pederdir" - diyip yazyar. Magtymguly ilki oba mekdebinde okayar. Onun ilkinji mugallymyna Nyyazsalyh diyer ekenler. Magtymguly oran zehinli we yiti akylly bolupdyr. Ol durli kitaplary cakdan- asa kop we irginsiz okapdyr. Magtymguly yas wagty kakasyndan, ejesinden we obanyn garry adamlaryndan kop-kop halk rowalary, gosgy-gazallary, erteki we nakyllary ohwes bilen dinleyar eken. Ol kakasy Dowletmammet Azadynyn doreden eserlerinin kopusini yatdan owrenipdir.

Magtymgulynyn zehinliligine, okuwa howesliligine goz yetiren Dowletmammet onun ylymly adam bolup yetismeginin aladasyny edipdir. XVIII-nji asyrda Etrek, Ahal, Mary sebilerinde guycli medreseler bolmandyr. Sonun ucin hem Dowletmammet Azadyny oz oglyny ilki Halajyn Gyzylayak obasynda yerlesyan, sol wagt guycli hasap edilen Idris babanyn medresesinde okuwa iberyar. Magtymguly bu medresede birnace wagt okayar. Sonra ol Buhara gidyar, Buharada Gogeldas atly medresa okuwa gidyar we onda iki yyl okayar. Sahyr sol medresede ders beryan siriyaly turkmen Nury Kazym ibn Bahr bilen hem tanysyar we onun bilen doslasyar. Emma medresedaki talyplaryn tertip-duzguninin bozuklygy Magtymgulynyn bu medresani taslamagyna sebap bolyar.

Magtymguly esasy bilimi Hywadaky «Sirgazy» medresesinde alyar. Ol «Sirgazy» medresesinde uc yyl okayar. Medresede berilyan dersleryn dasynda hem Gundogaryn gornukli sahyrlary: Nyzamynyn, Nesiminin, Fizulynyn, Nowayynyn we basgalaryn eserlerini irginsiz okayar. Ol medresede okayanlaryn arasynda ozuni derrew tanadyp, zehinli talyplaryn hataryna gosulyar. Okuwyn ilkinji yylynda Magtymguly talyplaryn halypasy bolyar. Sonky yylda bolsa, mugallym ozi yok wagty ders gecirmegi-de Magtymgula ynanyar ekeni. Magtymguly oz dowrunin in bilimli we dusunjeli adamy bolup yetisipdir.

Magtymguly Pyragy XVIII-nji asyrda ýaşan, türkmen klassyky edebiýatynyň kämilleşmegine örän uly goşant goşan, türkmen edebi dilini ösdürmekde uly işler bitiren şahyrdyr.

Türkmen halkynyň beýik şahyry Magtymguly Pyragy, takmynan 1733-nji ýylda Gürgen derýasynyň boýunda Hajygowşan diýen ýerde eneden dogulýar. Ol ömrüniň köpüsini Etrek, Gürgen, Garrygala sebit-rinde geçiripdir. Şahyr "Äleme belgilidir" diýen şygrynda:

Bilmeýen soranlara aýdyň bu garyp adymyz, Asly-gerkez, ýurdy-Etrek, ady-Magtymguludyr

diýip, öz adyny, niredendigini, kimlerdendigini aýdýar. Magtymguly başlangyç terbiýäni öz kakasyndan alýar.

Şahyr ilki oba mekdebinde, soňra Halajyň Gyzylaýak obasynda ýerleşýän Idris babanyň medresesinde bilim alýar.

Buharadaky Gögeldaş medresesine okuwa girýär, ýöne talyplaryň bozuklygy, ony bu medresäni taşlamaga mejbur edýär. Magtymguly Hywadaky Şir-gazy medresesinde okap bilim alýar we öz döwrüniň bilimli we düşünjeli adamsy bolup ýetişýär.

Magtymguly jahankeşde adam bolupdyr. Dünýäniň köp ýerlerine syýahat etmek duýgusy onda ýaşlykda döreýär. Bu syýahatlar şahyryň dünýägaraýşyny giňeldipdir. Magtymguly oglan okatmakdan başga tanymal zergär bolupdyr we kümüşden, altyndan dürli bezeg şaýlaryny ýasapdyr. Magtymgulynyň maşgala ýagdaýy jedelli meseleleriň biri bolup durýar. Goşgularyna esaslanyp, onuň Meňli diýen gyzy söýendigini, ýöne käbir sebäplere görä alyp bilmändigi hakda alymlar netijä gelýärler. Magtymgula Akgyz diýen ýeňňesi dakylýar.

Ondan iki ogul bolup, olar hem ýaşlykda ýogalýarlar. Şahyr ogullarynyň ölümine gynanyp, "Yzlamaýan bolarmy", "Mübtela kyldy“ eserleri döredipdir.

Magtymguly örän parasatly, gepe çeper, märekesöýen adamdy. Ol özüniň gowy häsiýetleri bilen halka görelde görkezipdyr, akyl-paýhasy bilen köp adamlary terbiýeläpdir.

Magtymguly, takmynan, 1791-nji ýylda Atasary diýilýän çeşmäniň boýunda, Soňudagyň ýanynda aradan çykýar. Ony kakasynyň ýanynda "Garry molla" (Eýranda) gonamçylygynda jaýlapdyrlar.

Magtymgulynyň döredijiligi

Magtymguly döredijilik işine ýaşka başlapdyr. Goşgi düzmekde köp zady kakasy Döwletmämmet Azadydan öwrenipdir. Magtymguly goşgularyny köpçüligiň üýşen ýerinde, toý-meýlisler okap berip, adamlary gahrymançylyga, ar-namysly, hüşgär bolmaklyp çagyrypdyr. Onuň ylham çeşmesi halk we onuň güzerany bolupdyr.

Şahyryň döredijiligi dürli temalarda bolan köp sanly şygyrlardan we poemalardan ybaratdyr. Onuň öz golýazmalary bize gelip ýetmändir.

Magtymguly köp şygyrlaryny Pyragy lakamy bilen düzüpdir Onuň döredijiligi XVIII asyr türkmen durmuşyny öwrenmäge örän köp material berýär. Magtymgulynyň şygyrlary, esasan, watançylyk, gahrymançylyk, öwüt-nesihat, sotsial-deňsizlik, yşky-liriki, dostluk barada gumanistik ideýalary öňe sürýer.


Magtymgulynyň döredijilik tematikasy

Magtymgulynyň döredijilik tematikasy giň we hertaraply. Onda türkmen halkynyň geçmişi, geljegi we şol wagtky ýagdaýy göz öňüňe gelýär.


Durmuşy goşgulary

Beýik akyldar Magtymgulynyň döredijiliginde durmuşy goşgular esasy orunlaryň birini eýeleýär, Ol çilim çekmek, nas atmak, ogurlyk, nähak gan dökmek ýaly pis häsiýetlere garşy göreş alyp barypdyr. Özüniň goşgularynda ("Kyly-kal bolar", "Düýşüne degmez", "Çilimkeş", "Nas atan") olary rehimsiz ýazgarypdyr. Şol göreşds çeper dili ýarag hökmünde ulanypdyr.

Şahyr "Nas atan" şygrynda nas atanyň hapasyzçylygyny görkezip, ony masgaralaýar we şu kärini taşlamaga çagyrýar:


Akar durar üsti-başyň poh eder, Senden gaçar deňi-duşuň, nas atan!


Şahyr özüniň eserlerinde gybatkeşligi, töhmeti iň bir ýaramaz häsiýet hökmünde ýazgarýar:


Ömrüň ýele berme, azma ýoluňdan, Agyrtmagyl ili-günüň, gybatkeş.


Magtymguly ýaman häsiýetleri ýazgarmak bilen erbetlikleri dini düşünjsleriň üsti bilen tertibe salmaga synanyşypdyr.

Şahyr gelin-gyzlaryň edepli, päkize, mylaýym bolmagyny isläpdir, ata-enäni sylamaýan, hapysa gelin-gyzlary pisläpdir.


Bardyr gözel, sirke basar saçyny, Artmaz-ýuwmaz tabagynyň, daşyny, Sylamaz atasyn, ene ýaşyny Anyň hyzmatyndan gaçasyň geler.


Magtymguly ýaramaz häsiýetlere garşy göreşmek temasyny edebiýatda giň möçberde işläp we propagandirlän şahyrdyr.


Öwut-nesihat häsiýetli goşgulary

Faýl:Magtymguly monument in Astrakhan.jpg
Magtymguly Pyragy ýadygärligi. Astrahan. Orsýet.

Şahyryň döredijiliginde adamlarda oňat häsiýetleri terbiýelemekde uly orny owüt-nesihat häsiýetli şygyrlar tutýar. Bu temadan Maggymguly "Janyna degmez", "Durasyň geler", "Ýör biläni", "Il ýagşy", "Zor bolar", "Bolar sen"", "Aýrylma" ýaly onlarça şygyr ýazypdyr. Şahyr bu goşgularynda döwürdeşlerine asylly terbiýe bermek, olaryň mert, ar-namysly bolmaklaryny nesihat edip, binamys, namartlary ýaňsa alypdyr. Şahyr "Gerekdir" diýen şygrynda:


Giň ýerde garga deý bolsun wehimli, Ýerinde hünäri işi gerekdir -

diýip, ýigidiň göwrüminiň giň, gerekli ýerinde hünäriniň bolmaly-dygyny, hüşgärligini beýan edipdir.

Magtymgulynyň "Il biläni" şygrynyň: Goç ýigide toýdur-baýram,


Her iş gelse, il biläni - setirleri agzybirligi ündäpdir, Şahyr "Janyna degmez" goşgusynda hesiýeti boýunça gapma-garşy adamy suratlandyrýar.


Adam bar müň tümen iýdirseň azdyr, Bardyr adam - iýen nanyna degmez.


Şahyr oňat hesiýetleri ündände, ýaramaz häsiýetleri ýazgaranda, wagyz-nesihat etmek tärinden peýdalanýar. Ol ähli türkmen ýigitlerini jeň meýdanynda şu sypatda görmek isleýär:


At salanda doňuz kimin topulyp, Aýy kimin asylyşy gerekdir.


Magtymguly oňat-gylyk häsiýetler adamyň bezegi diýip düşünipdir.

Sosial-deňsizlik temasy

Magtymgulynyň döredijiliginde sotsial-deňsizlik meselesi düýpli işlenen temalaryň biridir. Onuň bu temada ýazan eserlerine "Salar guşun aňlamaz", "Gaça başlady", "Ötüp baradyr", "Ýat bolar", "Il gözlär", "Käre döndi", Golda bary bolmasa", "Ajap eýýam gelmedi" ýaly şygyrlar degişlidir.

Magtymgulynyň döwründe türkmen topragy daşary ýurt basybalyjylary, içerki han-begler tarapyndan depelenipdir. Şu ýagdaýy şahyr "Gaça başlady" diýen şygrynda şeýle beýan edýär:

Gömüldi derýalar, ýykyldy daglar, Ýetimler gözýaşyn döke başlady. Orramsydan bolan haramhor begler, Ýurdy bir ýanyndan ýyka başlady.


Şahyr zamanasyny erbetligiň mekanyna öwren adamlary ýazgarýar:


Şalarda galmady hökmi-adalat


Magtymguly özüniň adalatsyzlygyň höküm sürýän jemgiýetinde ýaşaýandygyny, şeýle jemgyýetde zadyň, malyň, baýlygyň bolmasa aljak galaň ýokdugyny "Golda bary bolmasa" şygrynda görkszipdir:


Zamana beýledir, göze ilmezler, Her ýigidiň golda bary bolmasa...


Magtymguly adyllygy depeleýän adamlary diniň üsti bilen toba etmäge, amana getirmäge çalyşýar.


Magtymguly, bu dünýäniň namysyn, Ýygyp-düýrüp ele berdim hamysyn, Pikir derýasyna aklym gämisin Batyrmyşam çyka bilmen neýleýin? –


diýen setirlerinde bolsa ýurtdaky ýagdaýyň şeýle bulaşyklygyndan baş çykaryp bilmeýändigini aýdypdyr. Şahyryň goşgularynda pikiriň gysga we dogry berilmegi bu goşgularyň ýatda oňat galmagynyň ilkinji şerti bolup durýar.


Watançylyk, gahrymançylyk lirikasy

Faýl:Magtymguly monument in Kiev, Ukraine..jpg
Magtymguly Pyragy ýadygärligi. Kiev, Ukraina.

Watançy şahyr Magtymgulynyň gahrymançylyk, il-ýurt, agzybirlik, birleşmek hakyndaky şygyrlary onuň döredijiligine iň görnükli orunlaryň birini eýelsýär. Bu temada Magtymguly "Türkmeniň", "Ýeli Gürgeniň" , "Depe nedir, düz nedir", "Öňi-ardy bilinmez", "Döker bolduk ýaşymyz", "Gidiji bolma", "Gözlär men", "Başy gerekdir", "Mert bolmaz" ýaly birnäçe goşgular döredipdir.

Magtymguly hakyky watançy hökmünde türkmen ýurduna, onuň gözel tebigatyna, baýlygyna, batyr ýigitlerine guwanypdyr. Şahyr "Gidiji bolma" şygrynda:


Gel köňlüm, men saňa nesihat kylaý: Watany terk edip gidiji bolma -


diýip, öz döwürdeşlerine ýüzlenýär. Magtymguly Türkmenistanyň, aýratyn hem öz önüp-esen ýeri bolan Etrek, Gürgen töwerekleriniň giň, gözel we hasylly sähralaryny, daglaryny, tebigy baýlyklaryny, goç ýigitleri taryplaýar. Şahyryň "Ýeli Gürgeniň", "Türkmeniň" şygyrlarynyň şu setirleri-de oňa güwä geçýär:


Öňünde belent dag, serinde duman, Deňizden öwüser ýeli Gürgeniň. Bulut oýnap, baaran dolsa çaýlara, Akar boz bulanyp, sili Gürgeniň,

ýa-da

Dagda, düzde kowsa, saýýatlar diri, Ala bilmez, ýolbars ogly türkmeniň.


Beýik şahyryň döwründe türkmen taýpalary dagynyk ýaşapdyrlar. Halk hemişe talanypdyr, ajaýyp zatlar weýran edilipdir. Magtymguly hemişe şeýle pajygaly durmuşdan gutulmagyň aladasyny edipdir. Ol keseki duşmanlardan goranmak üçin ýigitleri mertlige, gahrymanlyga çagyrypdyr:


Ýaşy ýeten arap atyň şanynda, Mälim bolmaz depe nedir, düz nedir. Ýüňi ýeten goç ýigidiň ýanynda, Atmyş nedir, ýetmiş nedir, ýüz nedir.


Şahyr il-ýurt üçin hyzmat eden goç ýigitleri dabaralandyrýar, tersine namartlary, il-ýurduna hyýanat edýänleri näletleýär. Şu jähtden şahyryň şu setirlerini ýatlamak bolar:


Aga begler muhannesiň on müňi - Mert ähliniň alty ýüzüne degmez. "Är men" diýen her nöweçden är bolmaz, Gaýraty, namysy, ary gerekdir.


Magtymguly dagynyk ýaşan türkmen taýpalaryny birleşdirmek bilen ýurduň özbaşdaklygyny, halkyň asuda ýaşamagyny gazanmak bolar diýen netije gelipdir. Bu ideýa şahyryň "Türkmeniň", "Döke bolduk ýaşymyz", "Türkmen binasy" ýaly şygyrlarynda öz beýanany tapypdyr:


Bir suprada taýýar kylynsa aşlar, Göteriler ol ykbaly türkmeniň.

Teke, ýumut, gökleň, ýazyr, alili- Bir dowlete gulluk etsek bäşimiz. Teke, ýomut, ýazyr, gökleň, Ahal ili bir bolup, Kylsa bir jaýga ýörişini açylar gül lälesi.


Magtymgulynyň watançylyk, gahrymançylyk temada ýazan eserleri taryhy taýdan anyklygy, takyk manysy, çeper obrazlara baýlygy bilen-de tapawutlanýar.

Söýgi lirikasy

Magtymguly şahyr dostluk, söýgi temasyndan hem birtopar goşgy ýazypdyr. Bu temadan onuň "Gözel sen", "Gülzardan aýryldym", "Uýat eýleýir", "Bu derdi", "Boýlaryňa", "Durasyň geler ýaly ençeme goşgulary bar. Magtymguly yşky-liriki temada ýazan goşgularynda öz söýgülisi Meňli bilen baglanyşykly prograssiw pikirleri öňe sürýär. Ol gelin-gyzlaryň durmuşda uly hormata, söýgä mynasyp bolmalydyklaryny nygtamak bilen, olaryň owadanlyklaryny "Gözel sen" şygrynda şeýle taryplaýar:


Gyzyl diýsem-gyzyl, al diýssm-al sen, Hindistanda şeker, Bulgarda-bal san,


Akyldar şahyr Magtymguly gelin-gyzlaryň akylly, pähimli edepli bolmaklaryny isläpdir, olaryň mertebesini ýokary tutupdyr. Bu ideýa "Durasyň geler" diýen goşgusynda örän çeper berilýär:


Gözel bardyr gözellerden zyýada, Anyň gullugynda durasyň geler, Edepli-ekramly, mylaýymzada, Tä ölinçäň bile ýöresiň geler.

Şahyr hapysa, sölite, nalajedeýin aýallary ýazgarypdyr:

Bardyr gözel, sirke basar saçyny, Artmaz-ýuwmaz tabagynyň, daşyny, Sylamaz atasyn, ene ýaşyny, Anyň hyzmatyndan gaçasyň geler.

Magtymguly "Biln bolmasa" diýen goşgusynyň şu setirlerinde il-günüň daşyny gorap ýören goç ýigitleriň özüne mynasyp ýary bolmasa, hemişe armandadyklaryny nygtaýar:


Är ýigidiň içi doly armandyr,- Gara göz, inçe bil ýary bolmasa.


Şahyr aýal-gyzlary satmak, dakylmak we köp aýallylyk ýaly zyýanly dessurlara garşy durupdyr. Şu babatda şahyr gumanistik pikirleri öňe sürüpdir.


Magtymgulynyň poeziýasynyň dili we çeperçiligi

Magtymguly şekili täze Türkmen manatynda.

Magtymguly edebi dili halk medeniýetiniň ösmeginiň, hökmany şertleriniň biri hasaplapdyr. Ol bu işi ählihalk işi diýip düşünipdir. Magtymguly edebiýatynyň diliniň halka düşnükli bolmagy ugrunda göreşip, çeperçilik serişdelerini öz eserlerinde örän ýerlikli ulanypdyr. Onuň şygyrlarynda halka düşnüksiz pikirlere, arap-pars sözlerine seýrek duşulýar. Bu bolsa onuň goşgularynyň höwes bilen okalmagyna sebäp bolýar. Magtymguly halkyň diline daýanmak bilen, ondan dilewarlygy we sadalygy öwrenipdir. Şahyr dili ösüş we göreş guraly hökmünde ulanypdyr. Magtymguly metaforalary, kapyýalary, ulaltma ýaly çeperçilik serişdeleriniň giňden ulanylmagy, şahyryň goşgularynyň çeperçiligini we obrazlygyny artdyrypdyr.


Magtymguly, garyplaryň gözýaşy Daglary ýandyrar, ereder daşy.


Şahyryň dörtleme formasyndaky goşgularynyň köpüsi on bir hem sekiz bogunly setirlerden ybarat. Magtymgulynyň dörtleme formasynda ýazan eserlerinde kapyýa, redif goşgynyň birinji bendinde dürli hili ulanylypdyr.


Bala sesin diňlär, asyp gulagyn, (a) Döke-döke gözýaşynyň bulagyn, (a) Bir jeren aldyrsa elden owlagyn (a) Mäleý-mäleý gözlemeýen bolarmy (b).


Şahyryň bäşleme we altylama formadaky şygyrlary, esasn, 14-15 bogunly bolup, kapyýa we rediftaýdan hem meňzeşdir.

Magtymgulynyň milli türkmen edebiýatyny ösdürmekdäki roly

Beýik şahyr Magtymgulynyň eserlsri durmuşyň durli-dürli taraplaryny öz içine alýar. Magtymgulynyň döredijiligini örän oňat bilýän, gündogary öwreniji E.E.Bertels ony Jemşidiň jamy bilen deňeşdirýär. Jemşidiň jamy ýaly, Magtymgulynyň döredijiliginden hem islän zadyňy, bilmek isleýän meseläňi tapmak bolýar. Magtymguly türkmen klassyky edebiýatyny dünýä okyjylaryna tanadan genial şahyrdyr.

Magtymguly türkmen şahyrlarynyň köpüsiniň halypasydyr. Magtymguly öz döwürdeşlerine we özünden soňky ýetişen şahyrlaryň döredijiligine uly täsir edipdir. Bu täsir, ylaýta-da Zeliliniň, serkerde şahyr Seýdiniň, Keminäniň, Mollanepesiň, Mätäjiniň döredijiliginde görünýär. Magtymguly şahyry gara-galpaklaryň beýik şahyry Berdak (Berdimyrat-1827-1900) hem halypasy hasaplapdyr. Ol bu barada "Yelardym.men" diýen şygrynda şeýle ýazýar:


Magtymgulyny men okap, Sözlerini etdim togap. Kemi barmy beriň jogap? Şol şahyry yzlardym men.

MAGTYMGULY WE HALK DÖREDIJILIGI

Faýl:Magtymguly tomb1.jpg
Magtymgulynyň gubury. Magtymgulyny Etrek derýasynyň boýunda, “Aktokaý” gonamçylygynda, kakasy Döwletmämmet Azadynyň ýanynda jaýlaýarlar.


Magtymgulynyň eserleri türkmenleriň örän baý halk döredijiligi hem-de Gündogaryň ýazuwly edebiýaty bilen aýrylmaz baglanyşyklydyr. Şahyryň döredijiliginiň folklor bilen baglanyşykly bolmagy onuň eserlsriniň has-da gymmatyny artdýar. Wagt geçdigiçe, şahyryň aforizmleri halk içinde folklorlaşyp gidipdir:


Eşiden deň bolmaz, gören göz bile... Agzalalyk agyr ile ýaraşmaz Her ýaman söz-ýürek bular. Gawunyň gowusyn şagal iýr diýrler

Çagyrylan ýere bar, otur-da turma,

Çagyrylmadyk ýere barma, görünme...


Hat-da ilat şular ýaly setirleri aýdanda, ony kimiň döredendigine gözi ýetmese-ds, "Magtymguly aýdypdyr" diýýär. Beýik söz ussady Magtymgulynyň poeziýasy XIX asyryň ortalarynda Orta Aziýa, Russiýa, Ýewropa halklarynyň arasyndaky metbugatda görnüp başlaýar. Onuň essrleri köp alymlaryň, syýahatçylaryň ünsüni çekipdir. Şahyryň terjimehaly baradaky makala bilen birnäçe goşgusyny görnükli slawýan alymy we syýahatçysy Hodzko 1842-ýylda çap etdirýär. Alymlar A.Wamberi, W.W.Bartold, E.E.Bertels, L.N.Samoýlowiç, L.Klimowiç we başgalar şahyryň döredijiligine uly baha berip öwrenýärler.

Türkmen edebiýatçylaryndan B.A.Garryew, G.O.Çaryew, B.Kerbabaýew, M.Kösäýew, Z.B.Muhammedowa dagylar Magtymgulynyň eserlerini toplamakda we çap etmekde birnäçs işleri geçirdiler. 1926, 1940, 1942-nji ýyllarda şahyryň eserler ýygyndysy çapdan çykdy. 1947-nji ýylda hudojnik A.Hajyýew Magtymgulynyň suratyny döretdi. Şahyryň ady Türkmen döwlet uniwersitetine we iň uly köçe hormatlanyp dakyldy. Aşgabatda ýerleşen şahyryň ýadygärliginiň ýanynda her ýyl poeziýa baýramçylygy geçirilýär.



Eserleri

In kop bilinyan milli duygular bilen yogrulan gosgularynyn arasynda "Turkmenin","Turkmen binasy" gosgularyny mysal getirmek bolar.

Serediň

Magtymguly hakda gürrüňdeşlik:

http://e-mekdep.com/magtymgulynyn-omri-doredijiligi